Ekspertë të ndryshëm sugjerojnë udhëzime që duhen ndjekur në
përdorimin e shpërblimeve të jashtme. Disa nga këto rekomandime janë:
1. Përdor shpërblimin më të dobët të mundshëm
për të forcuar sjelljen. Mos përdor para nëse një copë ëmbëlsirë bën punë; mos
përdor ëmbëlsirë nëse lavdërimi funksionon. Efekti i mirë i shpërblimit nuk
vjen aq shumë nga shpërblimi në vetvete sesa nga qëllimi i tij.
2. Kur është e mundur shmangni përdorimin
e shpërblimit si stimul. Për shembull mos thoni “nëse bëni X do t’ju jap Y”. Në
vend të kësaj kërkojini nxënësve të kryejnë dëtyrën dhe pastaj mundësojini
shpërblim për plotësimin e detyrës. Në shumicën e rasteve shpërblimet
funksionojnë më mirë kur janë surpriza të kënaqshme.
3. Shpërble në një shkallë të lartë në
stadet e hershme të të mësuarit dhe redukto frekuencën e shpërblimeve ndërkohë
që të nxënët përparon. Nuk është e nevojshme të shpërblesh një sjellje që ndodh
ndërkohë.
4. Mbani mend që një shpërblim efektiv
për dikë mund të mos funksionojë me një nxënës tjetër. Vlera e një shpërblimi
duhet të gjykohet nga efekti që ka në sjellje.
5. Shpërble vetëm sjelljen që dëshiron
të përsëritet. Nëse ofron “yje të arta” për tre esetë më të mira në klasë, ti
po shpërblen konkurencën dhe mos u surprizo nëse studentët nuk bashkëpunojnë me
njeri-tjetrin. Dhe nëse gërmezimi nuk llogaritet mos prit të kesh një gërmëzim
të shkëlqyer.
Shpërble suksesin dhe vendos standarte. Një
mënyrë e mirë për ta bërë këtë është të shpërblesh përmirësimin ose progresin
drejt qëllimit. Shmang shpërblimin e nxënësve thjesht për pjesëmarrjen në një
aktivitet pa vlerësuar cilësinë e performancës.