Shumë prindër dëshirojnë
të dinë se si të menaxhojnë inatin e fëmijëve të tyre. Shpesh fëmijët e tyre
kanë shpërthime inati dhe mund të jenë të papërmbajtur dhe duket sikur
prindërit janë të humbur në dhënien e ndihmës te fëmija për të kontrolluar ato ndjenja.
Jo vetëm që mërzitesh t’i shikosh, por gjithashtu ndikojnë të tërë familjen. Më poshtë do të gjeni disa
këshilla se si mund t’i ndihmoni fëmijët tuaj të jenë të suksesshëm në
menaxhimin e këtyre gjendjeve emocionale.
- Zhvillimi i një fjalori ndjenjash.
- Përdorimi i të folurit të vetes.
- Të shkojë në një vend qetësues.
Kërkojini fëmijës
që t;ju ndihmojë të caktoni një vend ku ai mund të shkojë dhe të fitojë
kontrollin. Ofrojini disa qetësues, gjëra si: libra, muzikë, lapsa dhe letra
dhe pastaj inkurajojeni fëmijën ta përdorë atë vend që të qetësohet.
- Ndajeni inatin në copëza të vogla.
Thojini fëmijëve
të vizatojnë ose shkruajnë në një fletë se çfarë i shqetëson. Pastaj griseni
letrën në copëza të vogla dhe “hidheni inatin tutje”. Ai gjithashtu mund ta përdore
konceptin duke imagjinuar inatin që largohet nga ai në pjesë të vogla.
Sigurohuni të përdorni një letër që kërcet.
- Mësojini “Ndalo dhe merr frymë”.
Tregojini fëmijës
të marrë fryme ngadalë duke numëruar deri në pesë, të bëjë një pushim dhe
pastaj ta nxjerrë frymën në të njëjtën mënyrë, duke numëruar përsëri në të
njejtën mënyrë.
- Teknika 1+3+10.
Shpjegojini
formulën “ Në momentin që trupi juaj po ju dergon një shenjë që po humbni
kontrollin, bëj tre gjëra. Së pari ndalo dhe thuaj “qetësohu”, kjo është 1.
Tani bëj tre frymëmarrje të thella ngadalë, ky është 3-shi. Së fundmi numëroni
ngadalë deri në 10 në kokën tuaj, kjo është 10-a. Kombinimi i këtyre tre
numrave ndihmon të qetësohesh dhe fitosh kontrollin.
- Imagjinimi i një vendi të qetë.
Për shembull:
plazhi, krevati i tij, oborri i gjyshërve, një shtëpi në pemë etj. Në momëntin
që shikoni se fëmija po shfaq shenja inati, thojini të mbyllë sytë dhe të
imagjinojë atë vend, duke marrë frymë ngadalë. Të keni një fotografi të “vendit
qetësues” ose ta vizatoni atë dhe ta vendosni te krevati i fëmijës mund të bëhet
një kujtesë vizuale e mirë.
- Identifiko mendimet nxitëse.
Është ë rëndësishme
t’i ndihmoni fëmijët të kuptojnë së çfarë po ndodhte dhe çfarë po mendonte që
nxitën inatin e tij.
- Mësojini ti kushtojë rëndësi shenjave paralajmëruese.
Duhet t’i
shpjegojmë fëmijës që ka disa shenja që na paralajmërojnë kur po inatosemi.
Duhet t’i kushtojnë rëndësi atyre sepse mund ti ndihmojnë të qëndrojnë larg
telasheve. Pastaj duhet ti ndihmojmë fëmijët të njohin shenjat specifike që
mund të kenë që i tregojnë se po fillon të inatoset. Për shembull: “flas me zë
të lartë” “më rreh zemra fort” “më thahet goja” “e bej dorën grusht” “marr frymë
shpejt”. Sa më shumë ti njohin shennjat fillestare kur inati i tyre po nxitet
aq më të lehtë do e kenë të fitojnë kontrollin. Sepse inati zhvillohet shumë
shpejt dhe nëse e lëmë fëmijën deri sa inati ta ketë “pushtuar” do e kemi të vështirë
ta bëjmë të fitojë kontrollin.
- Modelo qetësinë
Duhet thënë që mënyra
më e mirë për ti mësuar fëmijët të përballen me ankthin në mënyrë konstruktive është
duke e treguar përmes shembullit tënd. Ne nuk mësojmë se si ta menaxhojmë inatin duke
lexuar për këtë, por duke parë dikë tjetër se si ja del. Kështu që përdorini
eksperiencat tuaja frustruese si mësime për ti ndihmuar fëmijët si të qetësohen.
Për shembull: supozojmë
se merrni një telefonatë nga servisi i makinës dhe ju thonë se vlera që duhet të
paguani për makinën është dyfishuar, ju jeni shume e inatosur dhe po qëndroni përballë
fëmijës tuaj që po ju vështron me kujdes. Ruani qetësinë dhe përdoreni si
një mësim për fëmijën tuaj. “jam shumë e inatosur tani”, thojini fëmijës me qetësi.
“servisi e dyfishoi çmimin për rregullimin e makinës time”. Pataj ofrojini një
mënyrë qetësimi: “po dal për vrap që të qetësohem”. Shembulli juaj është ai që
do kopjojë fëmija.