Alzheimer është
një gjendje në të cilën truri ngadalë tkurret dhe vdes. Qelizat nervore të
trurit ndalojnë së funksionuari dhe sinjalet e trurit që janë thelbësore për
jetën nuk funksionojnë siç duhet. (Kelly, 2008)
Sëmundja
Alzheimer është një çrregullim progresiv neurodegjenerues me karakteristika
klinike dhe patologjike. Alzheimer mund të jetë produkt i mutacioneve të
kromozoneve 21, 14, 1. Variantet klinike
më të zakonshme janë: ndryshimet në moshë, norma e progresionit, natyra e defiçiteve
neuropsikologjike dhe zhvillimi i simptomave neuropsikiatrike jokonjitive.
Gjetjet me natyrë patologjike përfshijnë: humbjet neurale, lëmshet
neurofibrilare, pllakat neurotike(pllakat e pleqërisë) dhe qelizat amiloide. Këto
simptoma janë unike për çdo individ. (Gauthier, 2007) (Jucker, et.al,
2006)
Dy
strukturat anormale të quajtura pllaka dhe lëmshe janë të dyshuarit kryesorë në
dëmtimin e qelizave nervore. Pllakat janë depozita fragmentesh proteinike të
quajtura beta-amiloid që ndërtohen në hapësirat ndërmjet qelizave nervore. Lëmshet
janë fibra të përdredhura të një proteine tjetër të quajtur “tau” që ndërtohen
brenda qelizave nervore.
Shkencëtarët nuk e dinë me siguri rolin e pllakave dhe lëmsheve në sëmundjen
e Alzheimerit, por shumica e ekspertëve besojnë se ato luajnë rol kritik në
bllokimin e komunikimit ndërmjet qelizave nervore dhe ndërprerjen e proçeseve që
qelizave u duhen për të mbijetuar. Është shkatërrimi dhe vdekja e qelizave
nervore që shkakton humbjen e kujtesës, ndryshimin e personalitetit probleme në
kryerjen e aktiviteteve të përditshme dhe disa simptomave të tjera të
Alzheimerit.